包包 Elly 生活分享 | 香港 親子活動

開咗學成兩個禮拜，最近成日諗：週末可以帶Elly去邊度玩，又唔想淨係喺商場行街、又想佢學到啲嘢？ 啱啱搵到呢個節目，即刻眼前一亮——進念二十面體嘅《五行中西》兒童藝術科技音樂劇場，首創「City Walk＋劇場＋展覽」三合一沉浸體驗，將中華文化「五行」智慧變成好玩刺激嘅實景尋寶同音樂歷險。今次就帶Elly去咗 免費 嘅「五行互動體驗展」，同埋 要買飛 嘅音樂劇場，兩個部分嘅體驗完全唔同，等我逐樣同大家講清楚！ 免費體驗：五行互動體驗展 首先要講嘅重點係——「五行互動體驗展」 係免費入場㗎！ 一入場已經被聲光影音吸引住，Elly眼睛發光，即刻衝過去摸展品、玩互動裝置。展覽用金、木、水、火、土五種元素做主題，將傳統中醫文化入面「五行對應五色、五臟」嘅概念，變成小朋友都睇得明、玩得投入嘅互動體驗。 最開心係仲有一本護照本，可以喺展覽入面蓋印章，儲齊之後就有一本屬於Elly自己嘅「中西區探險紀錄冊」，佗返屋企都可以再翻睇，係一個好有紀念價值嘅小手作。 呢部分特別適合： 想搵免費親子好去處嘅家庭 想小朋友接觸多啲傳統文化、又唔想太悶 帶低幼（4歲以上）都可以玩得投入嘅活動 付費體驗：《五行中西》音樂劇場 睇完展覽，我哋跟住入咗劇院，呢部分就 需要購票 。 音樂總監陳浩峰將莫扎特經典歌劇《魔笛》嘅旋律，重新譜上中文歌詞，配合音樂藝術家楊健平現場中西樂演奏。故事講金、木、水、火、土五隻小精靈聯手對付邪惡「琴魔」，劇情簡單直接，好啱4歲以上小朋友嘅理解能力。 最正嘅係全程有互動環節，Elly全場都好投入，跟住拍手、跟住唱、仲要幫手「解謎」，完全冇悶場。睇完之後，佢仲同我講起金木水火土點樣相生相剋，我先發現原來佢已經唔知不覺記咗落腦。 呢個劇場獲林嘉欣、梁詠琪、楊千嬅星級推薦： 梁詠琪：「學習美學最基本！」 楊千嬅：「創作對小朋友很重要！」 兩個體驗點揀？ 如果時間充裕，我會建議兩個都試——先睇免費展覽做熱身，等小朋友先對「五行」概念有初步認識，再入劇院睇劇場，理解會更深。如果時間有限，只揀劇場部分，內容本身已經好完整，唔會唔明白。 活動資訊 節目名稱： 兒童藝術科技音樂劇場《五行中西》 日期： 2026年9月19日至27日 地點： 上環文娛中心劇院及展覽廳 適合年齡： 4歲或以上小朋友及家長一同觀賞 購票優惠： 於進念購票平台或KLOOK購買「2正價＋1小童」家庭套裝套票，...